ژمارەی شەهیدەکانی کۆمەڵکوژیەکەی رەفەح گەشتە ٤٩ کەس
13 oC
13 oC
Güneşli
13 oC
Güneşli
لە ئەنجامی کۆمەڵکوژیەکەی ئەمڕۆ بەیانی لە خاڵی دابەشکردنی هاوکاری لە شاری رەفەح ٤٩ کەس شەهید بوون و زیاتر لە ٢٠٠ کەسیش بریندار بوون. مەترسی گیان لەدەستدانی ٣٠ بریندار هەیە.
سوپای داگیرکەری سەهیۆنی ئەمڕۆ لە خاڵی دابەشکردنی هاوکارییە مرۆییەکان لە ناوچەی مەواسی لە ڕۆژئاوای رەفەح کۆمەڵکوژیێکی نوێ ئەنجام دایەوە.
بە پێی ئامارەکانی کۆتایی وەزارەتی تەندروستی فەلەستین، لە ئەنجامی کۆمەڵکوژیەکە لانیکەم ٤٩ فەلەستینی شەهید بوون و زیاتر لە ٢٠٠ کەسیش بریندار بوون.
دەستنیشان کرا، دۆخی تەندروستی لانیکەم ٣٠ کەس لە بریندارەکان سەختە و مەترسی گیان لەدەستدانیان هەیە.
وەزارەتی تەندروستی غەززە راگەیاند کە پێویستی بەپەلە بە خوێن هەیە و دۆخەکە کارەساتیش تێپەڕاندووە و نەخۆشخانەکان زیاتر لە ئاستی خۆیان هەوڵی کارکردن دەدەن.
پزیشکانی بێ سنوور لە راگەیەندراوێک باسی لەوە کرد کە رژێمی داگیرکەر بە ئەنقەسد ئەم شوێنانە بۆ کۆکردنەوەی مەدەنییەکان و کۆمەڵکوژکردنیان بەکار دەهێنێت و ئەمەش بەو واتایەیە رژێمی داگیرکەر بە شێوەیەکی ئاشکرا یارمەتییەکان وەک چەک بەکار دەهێنێت.
حەماس لە راگەیەندراوێک سەبارەت بە کۆمەڵکوژیەکە جەختی لەوە کردبوو کە هێرشەکە پێشتر پلانی بۆ داڕێژاوە و ئەمریکا و رژێمی داگیرکەر بەرپرسیارن لە کۆمەڵکوژیە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە دەرەوەی یاریگای کریکێت لە شاری بەنگالورو لە هیندستان، لە ئەنجامی پەلاماردان ١١ کەس گیانیان لەدەستدا و ٥٠ کەسیش برینداربوون.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٤ هەزار و ٦٠٧ کەس و ژمارەی بریندارەکانیش گەشتە ١٢٥ هەزار و ٣٤١ کەس.
هیبەتوڵڵا ئاخوندزادە ڕێبەری ئیمارەتی ئیسلامی ئەفغانستان، لە پەیامی جەژنی قورباندا، هۆشداری و ڕاسپاردەی گرنگی بە گەل و بەڕێوەبەرانی ئەفغانستان دا.
نوعمان کورتولموش پەرلەمانتاری ئیستانبوول بۆ قۆناغی دووەمی ٢٨مین قۆناغی یاسادانەوە وەک سەرۆک پەرلەمانی تورکیا هەڵبژێردرا.
